کراچی(شوبز ڈیسک)پاکستان ڈرامہ انڈسٹری کی ماڈل و اداکارہ علیزے شاہ نے بولڈ ڈانس ویڈیو کی تشہیر کے لیے انسٹاگرام سے اپنی تمام پوسٹس حذف کردیں۔
تفصیلات کےمطابق علیزے شاہ نے 8 دسمبر کو انسٹاگرام پر اپنی بولڈ ڈانس ویڈیو کو شیئر کرتے ہوئے باقی تمام پرانی پوسٹس کو حذف کیا، علیزے شاہ نے ’کنگ‘ نامی گانے میں بولڈ ڈانس پرفارمنس کی ہے، جس پر انہیں شدید تنقید کا نشانہ بھی بنایا جا رہا ہے۔
علیزے شاہ نے گلوکار’واحد‘ کی جانب سے جانے سے گائے گئے گانے ’کنگ‘ میں جلوے بکھیرے، جس کی موسیقی یحیٰ فرید اور واحد نے ترتیب دی،’کنگ‘ گانے کو فری برڈ پروڈکشن کے بینر تلے ریلیز کیا گیا ہے، جس میں گلوکاروں کے علاوہ صرف علیزے شاہ کو ڈانس پرفارمنس کرتے دکھایا گیا ہے۔
اداکارہ نے گزشتہ ماہ نومبر میں مذکورہ گانے کی شوٹنگ کے دوران فوٹو شوٹ کرایا اور مختصر ویڈیوز بنوائی تھیں جس پر انہیں خوب تنقید کا نشانہ بنایا گیا تھا، علیزے شاہ کے ’کنگ‘ کو 7 دسمبر کو ریلیز کیا گیا اور یوٹیوب پر دو دن میں اسے 24 ہزار سے زائد بار تک دیکھا گیا۔
گانے کی ویڈیوز اور تصاویر سوشل میڈیا پر وائرل ہوگئیں، جہاں صارفین نے علیزے شاہ کو تنقید کا نشانہ بناتے ہوئے دل کی بھڑاس نکالی، لوگوں نے انہیں بولڈ ڈانس پرفارمنس کرنے اور مختصر لباس پہننے پر آڑے ہاتھوں لیتے ہوئے انہیں شرم دلانے کی کوشش کی اور انہیں مسلمان اور پاکستانی ہونے کے طعنے بھی دیے۔
دوسری جانب یہ واضح نہیں ہے کہ علیزے شاہ نے مکمل طور پر اپنی پوسٹس ڈیلیٹ کی ہیں یا عارضی بنیادوں پر انہیں کچھ دنوں تک ٹائم لائن سے ہٹایا ہے کیونکہ انسٹاگرام یہ سہولت فراہم کرتا ہے کہ پوسٹس کو کچھ دنوں، ہفتوں یا مہینوں کے لیے ٹائم لائن سے ہٹایا جائے لیکن وہ پوسٹس ڈیلیٹ نہیں ہوتیں بلکہ وہ صرف شیئر کرنے والے کو ہی نظر آتی ہیں۔
اپنا کمنٹ کریں