سڈنی (ڈیلی پاکستان آن لائن )آسٹریلیا کی متنازعہ و معروف ’ اونلی فینز ‘ ماڈل ’ اینی نائٹ‘ کو 583 مردوں کے ساتھ ایک ہی دن میں جنسی تعلق قائم کرنا مہنگا پڑ گیا ، جس کی وجہ سے وہ ہسپتال میں زیر علاج ہیں ۔
تفصیلات کے مطابق Only Fans ماڈل اینی نائٹ کو آسٹریلیا کی سب سے زیادی جنسی طور پر سرگرم خاتون سمجھا جاتا ہے اور وہ اکثر اوقات اس طرح کے غیر اخلاقی تجربات کرنے میں مصروف رہتی ہیں تاہم اتوار کے روز انہوں نے 583 مردوں کے ساتھ جسمانی تعلق قائم کیا جس کے بعد ان کی حالت بگڑ گئی اور ہسپتال داخل ہونا پڑا۔
اینی نے بدھ کے روز ہسپتال کے بستر سے ایک ویڈیو شیئر کی جس میں وہ درد اور غیرمعمولی خون بہنے کی شکایت کرتی دکھائی دے رہی ہیں۔
ویڈیو بیان میں اینی کا کہناتھا کہ ان کی یہ طبی حالت ’اینڈومیٹریوسس ‘نامی بیماری کی شدت سے جڑی ہے، جو بقول ان کے، دباؤ کے باعث دوبارہ متحرک ہو گئی ہے۔ ان کی حالت اتوار کو 583 مردوں کے ساتھ ایک ہی دن میں جنسی تعلق قائم کرنے کے بعد خراب ہوئی ۔
انہوں نے آسٹریلوی میڈیا کو بتایاکہ ’’ اتوار کو سب کچھ ٹھیک تھا، لیکن اگلے دن مجھے بہت زیادہ خون بہنے لگا، جو کہ میرے لیے غیر معمولی تھا کیونکہ میں مانع حمل دوا استعمال کر رہی ہوں۔ پہلے میں نے انتظار کرنے کا سوچا، لیکن جب درد بڑھنے لگے تو میں ہسپتال چلی گئی ، ابتدائی طور پر ڈاکٹروں کو شبہ تھا کہ یہ تکلیف حالیہ جسمانی سرگرمیوں کا نتیجہ ہو سکتی ہے، مگر متعدد ٹیسٹ کے بعد پتہ چلا کہ اصل مسئلہ ’اینڈومیٹریوسس ‘ہے، جسے دباؤ نے بڑھا دیا۔‘‘
اینڈومیٹریوسس ایک ایسی بیماری ہے جس میں بچہ دانی کے خلیے جسم کے دیگر حصوں میں منتقل ہو جاتے ہیں، اور ہر ماہ کی طرح وہ خون بہاتے ہیں لیکن یہ خون جسم سے باہر نہیں نکل پاتا، جس کی وجہ سے شدید درد، تھکن اور دیگر مسائل جنم لیتے ہیں۔
قابلِ ذکر بات یہ ہے کہ اینی پچھلے ماہ بھی ایک غیر واضح بیماری کے باعث ہسپتال میں داخل ہوئی تھیں۔ اس وقت ان کے منگیتر ہنری بریشاو نے انسٹاگرام پر ان کی ہسپتال کی ایک تصویر شیئر کی تھی۔
دلچسپ امر یہ ہے کہ اینی اور ہنری نے صرف ایک ہفتے کی ڈیٹنگ کے بعد منگنی کر لی۔ اینی نے ایک انٹرویو میں انکشاف کیا کہ وہ دس سال سے ایک دوسرے کو جانتے ہیں اور ماضی میں تعلق بھی رہا، لیکن حالیہ دنوں میں رشتہ پھر سے استوار ہوا۔تاہم، ان کی منگنی کے باوجود، اینی نے واضح کیا ہے کہ وہ شادی سے پہلے مزید سیکڑوں مردوں سے تعلق قائم کرنے کا ارادہ رکھتی ہیں۔
اینی کا دعویٰ ہے کہ وہ 2025 کے اختتام سے قبل 1,000 مردوں سے تعلق قائم کرنے کا ارادہ رکھتی ہیں اور ان کا یہ طرز زندگی شادی کے بعد بھی جاری رہے گا۔انہوں نے مزید کہا’’ہنری مجھے سمجھتا ہے، وہ میرے کام کو سپورٹ کرتا ہے اور ہم ایک دوسرے سے بے پناہ محبت کرتے ہیں۔‘‘