لاہور (ویب ڈیسک)مبینہ نازیبا ویڈیو کے معاملہ پر بالآخر سجل ملک کا موقف بھی سامنے آگیا اور کہا ہے کہ ان کے نام سے منسوب وائرل ہونے والی فحش ویڈیوز ان کی نہیں جب کہ انہوں نے وفاقی تحقیقاتی ادارے (ایف آئی اے) میں رپورٹ درج کرادی۔
ڈان نیوز نے بتایا کہ گزشتہ چند روز سے سجل ملک کا نام مختلف سوشل ویب سائٹس اور انٹرنیٹ پر ٹرینڈنگ میں تھا، ان کے نام سے منسوب فحش ویڈیوز بھی وائرل ہو رہی ہیں
اور اب انہوں نے دعویٰ کیا ہے کہ ان کے نام سے منسوب وائرل فحش ویڈیوز ان کی نہیں، تاہم اس باوجود ان کا نام خراب کرنے اور انہیں بدنام کرنے کی وجہ سے انہوں نے ایف آئی اے میں شکایت درج کروادی۔
رپورٹ میں اردو پوائنٹ سے ہونیوالی بات چیت کے حوالے سے بتایا گیا ہے کہ سجل ملک جعلی فحش ویڈیوز کے وائرل ہونے پر شدید ذہنی پریشانی کا شکار بھی ہیں۔جب سجل ملک سے پوچھا گیا کہ انہوں نے بدنام کرنے والوں کو کوئی قانونی نوٹس بھیجا ہے تو اس پر ان کا کہنا تھا کہ جب انہوں نے کوئی غلط کام ہی نہیں کیا تو وہ کیوں سامنے آئیں؟
ٹک ٹاکر نے واضح کیا کہ وائرل ہونے والی فحش ویڈیوز ان کی نہیں، کسی اور نامناسب ویڈیوز ان کے نام سے منسوب کرکے پھیلائی جا رہی ہیں، جس پر انہوں نے ایف آئی اے میں رپورٹ درج کرادی۔
سجل ملک نے میڈیا اور سوشل میڈیا کی جانب سے ان کے نام سے پھیلائی گئی جعلی ویڈیوز سے متعلق خبریں شائع کرنے پر بھی اظہار مایوسی کیا، انہوں نے میڈیا سے التجا کی کہ وہ پھیلنے والی جعلی ویڈیوز کو ان کے نام سے منسوب نہ کریں، خبر شائع کرنے سے قبل تصدیق کریں۔