سٹی42: این اے 145 خٓنیوال کے سابق رکن قومی اسمبلی محمد خان ڈاہا کے والد ، پنجاب کے سابق وزیر ٹرانسپورٹ حاجی عرفان احمد خان ڈاہا انتقال کر گئے۔
وزیرِاعظم شہباز شریف نے سابق رکن قومی اسمبلی محمد خان ڈاہا کو فون کر کے ان کے والد کے انتقال پر تعزیت کی۔
وزیراعظم شہباز شریف نے محمد خان ڈاہا سے ان کے والد سابق صوبائی وزیر، رکن پنجاب اسمبلی اور مسلم لیگ ن کے راہنما حاجی عرفان احمد خان ڈاہا کی رحلت پر اظہار افسوس کیا۔ انہوں نے مرحوم کے لیے دعائے مغفرت اور اہل خانہ کے لیے صبر و استقامت کی دعا کی۔
وزیراعلی مریم نواز شریف نے بھی مسلم لیگ ن کے سابق رکن اسمبلی حاجی عرفان احمد خان ڈاہاکے انتقال پر اظہار افسوس کیا اور سوگوار پسماندگان سے اظہارِ ہمدردی و تعزیت کیا۔
وزیراعلی مریم نواز شریف نے مسلم لیگ ن کے دیرینہ ساتھی اور رہنما حاجی عرفان ڈاہا کی سیاسی وسماجی خدمات کو سراہا
اعلانِ نمازجنازہ
حاجی عرفان خان ڈاھا مرحوم کی نماز جنازہ بعد نماز مغرب لاھور موڑخانیوال کہنہ1122 میں ان کے دفتر کے ساتھ گراؤنڈ میں ادا کی جائے گی۔ نماز جنازہ میں شرکت فرما کر ثواب دارین حاصل کریں۔ انا للّٰہ وانا الیہ راجعون