ویب ڈیسک : پاکستان اس بار آئی سی سی چیمپئنز ٹرافی کی میزبانی احسن طریقے سے سرانجام دے رہا ہے، اس شاندار ایونٹ کے بعد ایک اور گیم کی میزبانی بھی پاکستان کو سونپ دی گئی ہے ۔
آئی سی سی چیمپئنز ٹرافی کے بعد اب پاکستان ساوتھ ایشین گیمز کی میزبانی کرے گا، جو اگلے برس یکم سے 15 فروری تک کروانے کی تجویز ہے۔
صدر پی او اے عارف سعید کی سربراہی میں ساؤتھ ایشین اولپمک کمیٹی کا اجلاس کل لاہور میں ہوگا جس میں شرکت کے لیے ساوتھ ایشین نیشنل اولمپکس کمیٹی کے وفود کی آمد جاری ہے۔ اجلاس میں گیمز کی ممکنہ تاریخوں اور انتظامات پر مشاورت اور اہم فیصلوں کی منظوری دی جائے گی، لاہور اور اسلام آباد کے ساتھ مختلف شہروں میں بھی یہ گیمز کرائے جانے کا امکان ہے۔
ذرائع سے معلوم ہوا ہے کہ انڈین اولمپک حکام اجلاس میں شرکت کے لیے پاکستان نہیں آرہے، وہ آن لائن اجلاس میں شریک ہوں گے۔