ویب ڈیسک:خیبر پختونخوا حکومت نے پشاور کے ارباب نیاز کرکٹ سٹیڈیم کا نام تبدیل کرکے عمران خان کرکٹ سٹیڈیم رکھ دیا۔
تفصیلات کےمطابق صوبائی حکومت نے فیصلہ کیا ہے کہ ارباب نیازسٹیڈیم کا نام بانی چیرمین پاکستان تحریک انصاف(پی ٹی آئی) عمران خان کے نام سے منسوب کیا جائے گا،اس ضمن میں محکمہ کھیل نے سٹیڈیم کا نام تبدیل کرنے کی سمری تیار کرلی، وزیراعلی خیبرپختونخوا علی امین گنڈا پور نے سمری کی منظوری دے دی جس میں لکھا گیا ہے کہ ارباب نیاز کا نام عمران خان کرکٹ سٹیڈیم رکھا جائے گا ۔
سٹیڈیم کے نام کی تبدیلی کی سمری کل کابینہ اجلاس میں پیش کی جائے گی جس کی منظوری کا قوی امکان ہے۔
دوسری جانب ارباب نیاز کرکٹ اسٹیڈیم کی لاگت2 ارب 31 کروڑ تک پہنچ گئی جبکہ 2018 میں سٹیڈیم کی لاگت ایک ارب 37 کروڑ روپے لگائی گئی تھی،اس کے علاوہ 2021 میں لاگت ایک ارب 94 کروڑ روپے تک پہنچ گئی تھی اور 2024 میں سٹیڈیم کی لاگت دو ارب 31 کروڑ روپے تک پہنچ گئی۔