اسلام آباد (ویب ڈیسک) معروف میزبان اور سوشل میڈیاانفلوئنسرفرح اقرار نے پہلی بار اپنے شوہر اقرار الحسن کی ممکنہ سیاسی سرگرمیوں اور مستقبل کے منصوبوں پر کھل کر گفتگو کی ہے۔
فرح اقرارنے حال ہی میں ایک پروگرام میں شرکت کی، جہاں گفتگوکرتے ہوئے فرح اقرار نے بتایا کہ اقرار الحسن سیاست میں دلچسپی تو رکھتے ہیں، لیکن وہ وزیرِ اعظم بننے کے خواہش مند نہیں ہیں۔
فرح اقرار نے بتایا کہ اقرار کے پاس کوئی ایسا پلان نہیں ہے کہ وہ وزیراعظم بنیں، وہ نوجوانوں کو آگے لانا چاہتے ہیں، ان کی پوری کوشش ہے کہ نوجوان سیاست میں کردار ادا کریں۔
انہوں نے مزید کہا کہ اقرار نے اپنی سیاسی سوچ ان کے ساتھ شیئر کی تھی اور وہ خود بھی ان خیالات کا تنقیدی جائزہ لیتی رہی ہیں۔
فرح اقرارنے مزیدکہاکہ اقرار الحسن کا نظریہ ہے کہ کیوں نہیں عام آدمی وزیراعظم بن سکتا؟ اقرار اس وقت ایک ایسی تحریک چلا رہے ہیں جس میں وہ نئی نسل کو آگے بڑھنے، سوچنے اور ملک کے لیے کردار ادا کرنے پر اُبھار رہے ہیں۔