سیکرٹری جنرل سلمان اکرم نے انکشاف کیا ہے کہ اڈیالہ جیل میں بانی کو سحری نہ دیے جانے کے بیرسٹر سیف کا بیان غلط اور جھوٹ ہے۔ سلمان اکرم راجا نے خیبر پختونخوا حکومت کے ترجمان بیرسٹر سیف کے اس الزام کو غیر ذمہ دارانہ اور غلط قرار دیا عمران خان اور ان کی اہلیہ بشریٰ بی بی کو سحری نہ دینے کے بیان کو غلط اور غیر ذمہ دارانہ قرار دے دیا۔
سلمان اکرم راجا نے پنجاب کی وزیر اطلاعات عظمیٰ بخاری کی اس حوالے سے گفتگو کی تصدیق کردی جس مین انہوں نے بتایا تھا کہ بانی پی ٹی آئی کو ہفتے میں 3 دن گوشت، اس کے علاوہ سبزیاں، دالیں اور چقندر کا جوس مل رہا ہے، کہا کہ بیرسٹر سیف سے بیان کی وضاحت مانگی ہے۔
اب سلمان اکرم راجا نے بتایا ہے کہ بانی کی صحت بالکل ٹھیک ہے، ان کی صحت کے بارے میں بے بنیاد افواہیں پھیلائی گئیں۔
دو سال سے پی ٹی آئی اڈیالہ جیل میں کرپشن کے سنگین الزامات میں ملوث اور کئی مقدمات میں سزا یافتہ ہو چکے بانی مسلسل پبلک کی توجہ میں رہتے ہیں۔ پی ٹی آئی کے چند ہی لوگ بانی سے ملنے کے لئے جیل جاتے ہیں۔ یہ لوگ باہر آ کر ایک دن بتاتے ہیں کہ بانی کو جیل میں کھانا نہیں دیا جا رہا، انہیں دوا نہیں دی جا رہی، وہ بیمار ہیں اور ان کو بیرک میں بجلی بھی نہیں دی جا رہی۔ دوسرے دن پی ٹی آئی ہی کے دوسرے لوگ بتاتے ہیں کہ بانی بالکل ٹحیک ہے، اسے سب کچھ مل رہا ہے اور اس کی صحت بھی ٹھیک ہے۔
بیرسٹر سیف سے پہےل بانی کے قریبی ساتھی سابق ڈپٹی سپیکر قاسم سوری نے الزام لگایا تھا کہ جیل مین بانی کی صحت تباہ ہو گئی ہے اور وہ واش روم میں بے ہوش ہو کر گر گئے ہیں۔ دو روز بعد بانی کی بہن نے بتایا کہ قاسم سوری کا الزام غلط ہے، بانی کی بہن علیمہ نے کہا تھا، قاسم سوری تو ملک سے باہر سے، اسے کیا پتہ،
اب کچھ ہی روز بعد ایک بار پھر بانی کے ساتھ جیل میں “ظلم” کے الزامات لگائے گئے اور پھر بتایا گیا کہ بانی کی صحت ماشا اللہ بالکل ٹھیک ہے۔
عمران اور بشریٰ بی بی سحری و افطار میں کچھ نہ ملنے کے باعث نہار منہ روزہ رکھ رہے ہیں: بیرسٹر سیف
اڈیالہ جیل میں بانی پی ٹی آئی سے ملاقاتت کے بعد سلمان اکرم راجا نے کہا بانی پی ٹی آئی کو سحری نہ دینے اور عبادت میں خلل ڈالنے کی باتیں بھی درست نہیں ہیں ۔
ایک سوال پر سلمان اکرم راجا نے کہا کہ انہوں نے شیخ وقاص اکرم سے کہا ہے کہ وہ پوچھیں کہ بیرسٹر سیف نے ایسا بیان کیوں دیا؟
خیال رہے کہ وزیراعلیٰ خیبرپختونخوا کے مشیر برائے اطلاعات بیرسٹر سیف نے الزام عائد کیا تھا کہ بانی پی ٹی آئی اور بشریٰ بی بی کو جیل میں سحر و افطار میں کھانے کو کچھ نہیں دیا جارہا، وہ سحری کے بغیر روزہ رکھنے پر مجبور ہیں۔
اس حوالے سے ترجمان پنجاب حکومت عظمیٰ بخاری کا کہنا تھا کہ بانی پی ٹی آئی کو ہفتے میں 3 دن گوشت، سبزیاں، دالیں اور چقندر کا جوس مل رہا ہے، بشریٰ بی بی کو بھی کھانے کو جو دل چاہتا ہے وہ مہیا کیا جاتا ہے۔